Monday, June 29, 2009
تِــــك تَـــــك
 
posted by Yasmine Adel Fouad at 2:50 PM | Permalink |
Monday, June 15, 2009
What Oprah Winfrey Said About Men ..

إهداء خاص
إلى

عـ
ـــــــــزة

صديقتى
حاملة البهجة ، المعرفة ، والألوان


مش من طبعى إنى بقرا الإيميلات اللى بيتم تناقلها على الإنترنت تحت مسمى معروف قطعاً ألا و هو ال " فوروارد " ، و لا حتى بهتم أقرا رسايل المعايدة اللى بتجينى ف رمضان أو الأعياد عشان مش مقتنعة إن بضغطة زرار الواحد يوصل مشاعره لميتين اسم على الشريحة بيكنلهم مشاعر متفاوتة من خلال جملة واحده مصمته ، نرجع تانى للايميلات الفوروارد مش بهتم بفتح الإيميل أصلا إلا لو كان إيميل من حد مقرب ليا جداً و عارف انى مش بفتح الفوروارد عشان بقول أكيد ده حد باعت حاجه مهمة و الأهم بقى بالنسبة لى ف إيميلات الفوروارد إن تبقى باعتاها واحدة " أنثى " عارفانى بجد و كمان تكون بتفهم

عــــــــــزة من الناس اللى ببقى حريصه جدا على إنى أقرا إيميلاتهم الفوروارد لا ده انا كمان بحتفى بيها و قبل ما أقراها بستعد استعداد خاص يتمثل فى " نفس عميق + ابتسامة رضا + استعداد للمتعة و المعرفة أو اكتشاف مواطن جمال متأكدة إنى هلاقيها منورة + تركيز تام " و النهاردة فتحت لقيت إيميل فعلاً حبيت انشره بس قبل كده عايزه أقولها

إنتى جميلة أوى
شكراً ليكى
و ترجعى أرض وطنك التانى بالسلامة

***
*


What Oprah Winfrey Said About Men


If a man wants you, nothing can keep him away.

If he doesn't want you, nothing can make him stay.

Stop making excuses for a man and his behavior.

Allow your intuition (or spirit) to save you from heartache.

Stop trying to change yourself for a relationship that's not meant to be.

Slower is better.

Never live your life for a man before you find what makes you truly happy.

If a relationship ends because the man was not treating you as you deserve then heck no, you can't 'be friends'. A friend wouldn't mistreat a friend.

Don't settle.

If you feel like he is stringing you along, then he probably is

Don't stay because you think 'it will get better' You'll be mad at yourself a year later for staying when things are not better.

The only person you can control in a relationship is you.

Avoid men who've got a bunch of children by a bunch of different women.. He didn't marry them when he got them pregnant, why would he treat you any differently?

Always have your own set of friends separate from his.

Maintain boundaries in how a guy treats you.

If something bothers you, speak up..

Never let a man know everything.* He will use it against you later.

You cannot change a man's behavior.* Change comes from within.

Don't EVER make him feel he is more important than you are...Even if he has more education or in a better job.

Never let a man define who you are.

Never borrow someone else's man.

If he cheated with you, he'll cheat on you.

A man will only treat you the way you ALLOW him to treat you.

All men are NOT dogs.

You should not be the one doing all the bending , Compromise is two way street.

You need time to heal between relationships...

There is nothing cute about baggage...

Deal with your issues before pursuing a new relationship

You should never look for someone to COMPLETE you , a relationship consists of two WHOLE individuals...

Do not make him into a quasi-god.He is a man, nothing more nothing less.

Look for someone complimentary. Not supplementary.

Dating is fun...even if he doesn't turn out to be Mr. Right.

Make him miss you sometimes... when a man always know where you are, and you're always readily available to him - he takes it for granted

Never move into his mother's house.. Never co-sign for a man.

Don't fully commit to a man who doesn't give you everything that you need.

Keep him in your radar but get to know others.

Scared of being alone is what makes a lot of women stay in relationships that are abusive or hurtful

You should know that:
You're the best thing that could ever happen to anyone and if a man mistreats you, he'll miss out on a good thing. If he was attracted to you in the 1st place, just know that he's not the only one. They're all watching you, so you have a lot of choices .. Make the right one.

Ladies take care of your own hearts....


Share this with other women & men

You'll make someone smile ,

another rethink her choices

&

another woman prepare..


 
posted by Yasmine Adel Fouad at 12:36 PM | Permalink |
Sunday, June 07, 2009
ما تحسبوش يا بنات إن الجواز راحة

أنـــــــــا

مش مظبوطة .. مش مظبطّة .. مش بالظبط

ها الوردة دبلت بكيّر
حلوة بعدها
حلوة كتير
ما عادت شافتها الشمس
و الدنيا كلها مشاوير
كانت حتى يكون العطر
خلقت
تاهت
حاكها الفجر
لما بيصبحها العمر
خوف و برد و ليل كتير
قولى بحالك شو صار
ليه هموم بعينيك كتار !!؟
ها العمر الباقى مشوار
مشوار صغير
قلبك بها الدنيا احتار
بعرف فيه عندك أسرار
حمّلنى الربيع أخبار
فيها ألوان .. عصافير

كنت فاكرانى مش زى كل البنات ، بس طلعت زيهم و محدش أحسن من حد
، اسم الله عليا بقيت متوترة طول الوقت ، كل حاجه بتخوفنى ، أى شئ بيسد نفسى ، كل حاجه ليها تداعيات مش ولابد ، مكنتش أتصوّر أبداً إنى هبقى كده ..

الموضوع و ما فيه إن فرحى - المفروض - كمان شهر و 3 أيام .. طبعاً ناس كتير عارفة إن البنات بيبدأ يجيلها قلق قبل الجواز ، و خوف من الالتزام ، و فوبيا من المسئولية ، و تبقى قاعدة تقول ما أخدوش يا بابا ما أخدوش يا بابا ، أنا كنت فاكرة إن حالتى مستقرة و بما إنى بحب خطيبى و نفسى أتجوزه النهاردة قبل بكرة يبقى مش همر بالمرحلة دى إنما و للأسف دخلتها و من وسع ، فجأة بقيت مليش نفس أكل و لا أنزل أكمل حاجتى و لا أعمل أى حاجة و على طول على حافة المرض و الاصفرار و الهبوط ، قاعدة أضرب أخماس ف أسداس و أتخيل الحياة هيبقى شكلها إيه ، هنفضل زى ما إحنا ؟ هنتغير للأحسن ؟ هنتغير للأسوأ ؟ هنحب بعض أكتر؟ هنحب بعض أقل ؟ هنخرج ؟ هنتخانق ؟ هنخلف على طول ؟ هنخلف بعد فترة طويله ؟ مش هنخلف من أساسه ؟ هنبقى مبسوطين ؟ هنتطلق ؟ حد فينا هيموت ؟ هنبقى مستقلين عن بعض ؟ حد فينا شخصيته هتمحى شخصية التانى ؟ هنتفاهم ؟ أهالينا هيخلوا حياتنا جحيم ؟ هنتخن ؟ هنخس ؟ هنعيش أحلى أيام ؟ الحياة هتاخدنا و نبقى روتينيين ؟ هرجع أشتغل ؟ هتعجبنى قعدة البيت ؟ هكتب ؟ هشوف صاحباتى ؟ هنسى اهتماماتى ؟ هنتقابل ف نقاط كتير ؟ هنبعد ؟ هيتجوزعليا ؟ هيخوننى ؟ هقتله ؟ هياخدنا الوبا ؟

طبعاً زى ما هو واضح إن ف دماغى بتدور كل الأسئلة مفيش خيار ولا فقوس ، بقيت نفسى أحط سم للست السوّ اللى مصدعانى جوه راسى عمال على بطال دى ، لا ده و الأدهى إنى مصدعة خطيبى نفسه معايا بالأسئلة الوجودية دى ، و مش بس كده ده أنا بوسوسله ف ودانه و أقعد أقوله انت مش خايف ؟ واثق فيا ؟ مؤمن بعلاقتنا ؟ مش متردد ؟ مش عايز تعيد تفكيرك ؟ طيب هننجح ؟ هنفشل ؟ هتفضل بتحبنى ؟ هنتفاهم ؟ هنطقش ف بعض ؟

بقيت كمان أى حد يكلمنى أقوله أنا خايفة بس عادى ، مرعوبة بس ساكته ، عاشقة بس مش عارفه ، أنا مستوعبة جداً إزاى الواحد يبقى خايف من حياة جديدة مجهولة - مهما كان متحمسلها - عشان انا مش بقرر احب او ارتبط او اتخطب لا ده انا هتجوز ، يعنى هبدأ حياة بمزاجى و للا غصب عنى هيبقى ليها دور ف تغيير التاريخ .. تاريخى أنا الشخصى و الحميمى ع الأقل

يمكن أكون مستسلمة للحالة دى ، خصوصاً إن كل ما حد يكلمنى من "قريباتى المتزوجات صاحبات السبق و الإصرار" يقولولى و لسه ، ده إنتى شوية شوية مش هتطيقى الكون كله و هيبقى ناقصلك شعرة و تحدفى طوب ع الناس ف الشارع ، لكن ده مش خيال ، انا مضغوطة جداً ، مع اهلى زفت ، مع خطيبى بحالات ، مع صاحباتى الاريال مهزوز ، مع نفسى عقلى هيشّت

يمكن يكون الحل إنى أشغل نفسى ف اللى ورايا ، أو إنى أغير طريقة تفكيرى و أقول لا مش هستسلم للوضع ، أو أجيب قرايبى يزغردولى و يضحكوا و يرقصوا فأشوف بهجة و ناس مزأططة قصاد عينى ، يا إما بقى إنى فعلاً مفكرش كتير و أقول و أهى فترة و هتعدى - صدمة ف لطمة ف قضمة :) - و أستحملها زى ما تكون .. و أولاً و أخيراً الحمد لله إن الواحد مش بيتجوز كل يوم

ف عز فرحتنا
دايماً نلاقى الخوف
واقف ف سكتنا
مشتاقلنا و ملهوف
كإننا واحشينه
مع إننا عايشينه
خوف خلانا و إحنا مغمضين بنشوف
لا عمره خللى القلب يفرح فرحة بجد
ولا عمره خللى حد يتطمن لحد
يا ما حاولنا و كان نفسنا
ننسى روحنا
نسيب نفسنا
بس تمللى بيفوقنا شعور بالخوف

****************
على الهامش


أغنية المقدمة : جوليا بطرس
أغنية الختام : هدى عمّــار

 
posted by Yasmine Adel Fouad at 7:30 AM | Permalink |
Friday, June 05, 2009
I Miss " Snakes "

النهاردة حسيت إنى مفتقدة جداً " سناكس " اللعبة اللى كانت على موبايلى القديم ، انا مغيرة موبايلى بقالى سنة و نص يعنى كل ده ملعبتش اللعبة دى ، و موبايلات نوكيا الجديدة عليها لعبة سناكس بتخنقنى جداً و مش مقتنعه بيها ، سناكس ايه دى اللى وسط خضرة و تفاح و بيوت !! انا متعوده على اللى ف صندوق و بحجم صغير و ابيض و اسود

كنت ف الاول مبلعبش اللعبة دى عشان مش بجيب فيها سكورعالى و انا احب اللعبه اللى العبها ابقى فيها رقم واحد ، بعدين بقيت العبها ايام الامتحانات عشان ما اذاكرش ,و أضيّع الوقت لكن لقيتنى بجيب ارقام عاليه و بسجل اسمى ع الموبايل فبدأت أحب اللعبه و أبصلها بصّة مختلفة ، و ساعات لما كنت أبقى مخنوقه اقعد العبها لحد ما احطم الرقم بتاعى القديم ، أو العب و اموّت نفسى عمّال على بطّال عشان اسمع صوت خبطة دماغ التعبان ف الحيطة .. يمكن أستريح شوية و اتخلص من الاحباط اللى جوايا

و النهاردة لما لقيتنى محتاجة اتخلص من طاقة سلبية بتحوم و تحرجم عشان تعشش جوايا افتكرت اللعبه و اد ايه انا مفتقداها و كمان محتاجاها ، ساعتها حسيت بحزن أكبر ، الانسان ده غريب أوى بيتعلّق بحاجات عجيبة لأسباب لا تبدو منطقية ، ممكن حد يقولى ان الاسهل ان البنى آدم يواجه مشاكله و يحلها بدل ما يقعد يلعب و يبقى الوضع على ما هو عليه هرد عليه و أقوله هو من إمتى يعنى الكلام كان بفلوس ؟ و للا من إمتى كان اللى شاف زى اللى سمع ؟
 
posted by Yasmine Adel Fouad at 9:02 AM | Permalink |