العلاقات العاطفية عاملة زى السلم ، لو إنت ماشى مظبوط من وقت للتانى هتلاقى نفسك بتطلع درجة جديدة ، بس خُد بالك الطلوع الصح ميبقاش بسرعة عشان متقعش على وشك ، الأجمل تطلع على مهلك سِنة سِنة عشان تعرف تستمتع بالخطوة و إنت بتعملها و تعيشها بضمير

*

أجمل إحساس فى الدنيا لما الواحد يحس إن الحياة مش مسربعاه و إنه مش ماشى بيقع على وشه من الاستعجال ، بالعكس هو واخد وقته فى كل حاجة و بالهداوة ، أهو الجواز مع الوقت عامل كده .. زى الطبخة اللى بتسويها على نار هادية ، بتتسبّك و تطلع مستوية و مسكرة و ليها طعم ، إنما تستعجل هتشيط أو هتتاكل من غير ما تستوي