البنت اللى بتحب الورد البلدى الأحمر و بسكوت السامبا الموف بقالها كتير مركبتش عجل ، و حاسه انها لو جربت دلوقتى هتكتشف انها نسيت السواقة

البنت : هو إنت ليه مبتجبليش ورد ! انا قولتلك انى بحبه و نفسى مرة تفاجئنى بيه

الولد ينظر باستخفاف و يبتعد

**

الولد اللى بيحب البلاى استيشن و الفول السودانى بقاله كتير ممسكش ايد البنت اللى بقالها كتير مركبتش عجل ، و الأهم إنه مش عارف إنه لو جه يمسك ايديها هيكتشف انه خلاص مبيعرفش

الولد : تبقى مجنونة لو عايزة تمشى عشان مبجيبلكيش ورد

البنت تنظر باستخفاف و تبتعد