Monday, June 21, 2010
رُب صدفة زى الزفت
الأمير اللى أصله ضفدع كان حاطط عينه على ضفدعه فى الأصل أميرة ، كان فاكر إنه لما يتنازل و يقبل يبوسها هيقدر يكسر اللعنة و يهرب من أصله فيفضل أمير طول عمره و يعيش يتنطط عليها باعتبارها ضفدعه حقيرة ، مكنش يعرف إن اللى هيحصل إنه هيرجع ضفدع و هى هترجع أميرة ، و لإنه ابن محظوظه و هى بنت هبله فضلت حاسه بالذنب طول حياتها فقررت بنِفس راضيه و إحساس أبدى بالتقصير تكمِّل معاه و عينها مكسورة اكمن قدمها كان نحس عليه و عمر ما جه فى دماغها إن كل الحكايه .. البيه فى الأصل ضفدع و كبيره ياكل دبان .
 
posted by Yasmine Adel Fouad at 8:43 AM | Permalink |