Sunday, June 20, 2010
البنت أم الضفاير

بنت عادية
بأحلام ياما
عايزة تحب
تكتب شعر
تسافر برّة
تاخد كورس
تدخل سينما
كمان تتجوز


مرة تحاول تعمل حاجه
مرة تكبّر
مرة تكسّل
مرة الإحساس يبقى حقيقة
مرة تقول طب أجرّب أمثّل
و أمّا الحلم بيفتح صدره
تضحك روحها
و تقول هنجز


و أما الشمع يقرر يطفى
فجأة الدنيا تغيّم نورها
و الأحلام تحلف ما تشقشق
تعمل إيه البنت ساعتها !!؟
تسكت خالص
و تقوم سارحه
تلعن فرحة كتير خدعتها
تكره فكرة ف يوم حبيتها
تكبت شوق أمورة جميلة
مضفرة روح ألوان ف جروحها
تبعد
تهرب
تقفل بابها
تخبّى السر
و تيجى تبوّز

 
posted by Yasmine Adel Fouad at 11:44 AM | Permalink |