بحب قوى الأرقام الفردية كلها تقريباً
ماعدا رقم 9 أو أى رقم يبدأ ب 5
أما الأرقام الزوجية فلو حد قطعنى مش بستخدمها
رقمى المفضل هو 7 طبعا يليه 3 يليه 13 يليه 37 يليه 39 يليه 43
دى اكتر أرقام بحبها ليه معرفش طبعا
بس المتربع ع العرش 7 يليه 3
رقم 7
ده بقى حكايته غريبة
يعنى أنا شوفت ناس كتير رقمهم المفضل 7
قريت عن سر رقم 7 و عرفت ان أغلب أساسيات الكون سبعة
و ان فى غموض حوالين الرقم ده
يعنى عجايب الدنيا كانت سبعة
أيام الاسبوع سبعة
ألوان الطيف سبعة
الخطايا سبعة
و فى حاجة كمان فى آلهة الأغريق سبعة
بس مش فاكرة هى ايه
:)
#1#.jpg)
مش دى النظرية
الحدوتة تكمن فى انى كل ما اكتب نص متقسم فقرات
و أجى اظبطه و اكتبه يطلع 7 فقرات
و ده مش عن عمد
لانى ممكن اكون كاتبة فقرات كتير و بقعد بقى اشيل و اضيف
و الترقيم ده بيبقى اخر حاجه بعملها
يمكن انا اخدت بالى م الموضوع ده اكتر من مرة
لكن السبب اللى خلانى لازم اكتب عنه
اخر موضوع بتاع أنا وهو وهى
لانه عبارة عن تجميع قصاقيص كتير اوى
و كنت كاتبه اكتر من كده بس دول اللى اخترتهم
و ان التقسيمة تطلع متعادله فى الثلاثة أقسام
و كل واحد منهم سبعة ده خوفنى
فهل ممكن يكون الرقم مسيطر عليا فى عقلى الباطن و للا ايه
:)
و للا يكون معمولى عمل برقم سبعة ده
:(
هل انا لوحدى اللى كده يعنى
و للا فى صدف رقمية زى دى عن اى حد معدى من هنا ؟
ملحوظة
أنا مش دماغى فاضية
بس عادى من حقى
أتكلم عن اللى أنا عايزاه
