حشود كثيفة تتجمع فى الساحات الرئيسية وسط بيروت
تلبية لدعوة جبهة المعارضة لإسقاط الحكومة
. الله عليكى يا لبنان .
إتفرج يا سلام
ربنا يحميهم
بجد شكلهم يشرّف
لا فى شغب و لا عنف و لا ناس بتكسّر عربيات و لا ولاد بيتحرشوا ببنات
. و لا امن مركزى بيرمى قنابل مسيلة للدموع
موحدين العلم و طالعين متجمعين
يوم وحدة هيتأرّخ
أهم
. أقلية لكن عندها صوت
بلد صغيرة بس عندها ديموقراطية حقيقية
. أول مرة أحس بالغيرة على وطنى
. أول مرة أحس انى بعيط على حال مصر
. المأسوف على شبابها .
ماما غاظتنى أوى
لما قالتلى احنا نقدر نطلع كده؟
باستنكار يوضح ان الاجابة المنتظرة
لا طبعا
. قلتلها ليه لا .
آه نقدر و مسيرنا نوحد كلمتنا و نطلع
. راحت قالتلى أصل المسلمين طول عمرهم ليهم قائد راجل يلم صفوفهم
لكن احنا معندناش قائد علشان كده حتى فى آخر الحياة
هييجى المهدى المنتظر علشان يوحد الصفوف .
ليه كده يا مصر خليتوا ماما تقول عليكم البقين دول ؟
بجد غيرانة و فرحانة .
غيرانة من لبنان و شعبها و فرحانة ليهم .
أيا كانت نتيجة احتجاجهم بس أهم ليهم صوت .
و اللى مايتسمعش المرة دى بكرة يعلا بيهم و يحقق حلمهم
أنا شوفت فى التجمع شعارات كتير مرفوعة
بس يمكن أكتر واحد عجبنى كان
كما النصر
التغيير
آت
آت
آت
فينكم يا مصريين عايزين وقفة من دى
و الله نقدر
