مين اللى قال إن الراجل هو اللى يدفع ؟
يعنى ده قانون و للا دستور و للا جنتلة و دم
يعنى لما أكون مع واحد و نشترى حاجات و يصمم انه يدفع و نتخانق
و فى الآخر يدفع علشان عيب فى حقه انى أنا أدفع لنفسى
. لما اركب مواصلات و بالصدفة فيها حد شافنى فى المعمل و يروح دافعلى علشان عيب
لما واحد اكون ما شوفتوش من 5 سنين و ييجى يسلم علي فى مكان يروح دافع الشيك قبل ما يمشى
. لما النهاردة أكون فى الصيدلية و نجيب سندويتشات فحد يدفعلى و يرفض ياخد الفلوس
و يقوللى انتى كإنك بتقوليلى انت مش راجل
مين اللى قال ؟
هو راجل يعنى تدفعلى ؟
يعنى أنا بتخانق معاهم مش بسيبهم يدفعوا و اسكت
و بسيب الحاجة اللى جبتها فيروحوا سايبينها هم كمان
. أو اشترط قبل ما حد يدفع اننا هنتحاسب لما نخرج و كل ده بيفشل .
عارفة ان الولاد حتى مع بعض ممكن واحد يشيل الليلة
غير البنات اللى بيتحاسبوا أو بيدفعوا لنفسهم
بس أرجع و أقول ايه علاقة ادفع بالرجولة
يعنى لو انا دفعت ليا و لولد هبقى أنا الراجل ؟
ناس هيقولوا ايه اللى مش عاجبها حاجة دى
بس فعلا الموضوع ده بيخنقنى و لما باخد حاجة مدفعتش تمنها و حد دفعلى مش بستمتع بيها
