Monday, November 13, 2006
حبــة أمــل
أنا كل يوم
أنام و أقوم
أقول خلاص
ده يوم جديد
بنهار سعيد
من غير غيوم
وف وش نفسى
أضحك بصوت
و بأعلى حسّى
أقول لأمسى
ياعم امشى
كفاياك مناحاة
خلاص ياسيدنا
راحت عليك
والوقتى حالاً
هروح أبلبط
فى بحر يومى
يمكن ألاقى
نفسى مرة
قدرت أعوم
و أتارى لسه
فى الحياة
مش جايلى طول
أفضل أعافر
الليل يليل
أقول و ماله
ماهو لسه بكرة
هييجى تانى
و أنزل فى بحرى
أشوف شطارتى
و مسيرى مرة
هبطّل أغرق
و ألاقى نفسى
بقيت بعوم
___________________
الحكيكة
دى أول مرة أجرب اكتب حاجة متفائلة
فعذرا للخلل الواضخ
بس الموضوع يستاهل التجربة
 
posted by Yasmine Adel Fouad at 11:20 AM | Permalink |