يـــــــــــــــــــــاه
النهاردة كان يوم مرهق قوى
مع انه لسه ما خلصش
الصبح روحت الكلية أسأل على نتيجتى
اللى طلعت خلاص هتتعرف يوم الأحد
- ربنا يستر بقى -
و بعدين روحت الوقفة
هتافات و حوارات و إعلام و شمس نار قايدة
بعدين يدوبك جرى اشتريتلى كتابين و كلتلى ساندويتش
و جريت على كورس اليوجا
و اللى طلع كل حصة بتبقى أصعب
و النهاردة كانت الحركات الله ينور
- مش عارفه أمال الصعب اللى جاى هيبقى إزاى -
- بس برضة تحفة -
يدوبك لسه داخلة البيت
بس كالعادة و أنا بغير هدومى
فكرت اكتب كلمتين فى السريع
لان الوقفة محتاجة وقفة للكتابة عنها
- مش قوى كده -
بس للأسف العدد اللى جه طلع أأقل بكتير من اللى كان فى بالى
يعنى يدوبك كنا نكمل خمسين بالعافية
لا أأقل كمان أأقل أأقل
عدد الولاد كان أد البنات
يعنى لو كانوا بنات بس ماكانش هيبان حاجة
الأمن المركزى
أبو ضحكة جنان
كانوا كتيـــــــــــــــــر
يعنى على الأأقل 150 أو200
أهم كانوا عاملين حس روتينى للمكان برضه
على الأأقل ربنا خلانا سبب نفك بطالتهم
وكل واحد هيروح بحتة بعشرة لمراته و عياله
- ده لو طالوا من الحكومة المخرومة حاجة -
ربنا يخلينا للشعب
التفاصيل بعد مارتاح
التفاصيل بعد مارتاح
و أنقع نفسى فى البانيو
و أشوف فيلم ميج ريان اللى جاى على
mbc2
يا سلام عليا و أنا مذاكرة
