Thursday, November 09, 2006
القصة وما فيها
قاعدة لا بيا و لا عليا

لقىت جالى تليفونات كتير قوى
علشان حضرتى طلعت ع القناة الأولى الأرضية
و الفضائية المصرية
فى برنامج القصة و ما فيها
- ده ليه إعادة دة ؟ -
و الذيذ ان ال4 محطات اللى سجلوا معايا ماسألتهومش هم مين
غير المحور اللى عرفتها لان المايك
كان مكتوب عليه 90 دقيقة
و ده البرنامج بتاع معتز الدمرداش
- اللى مش بحبه " معتز " -
الغلاسة بقى ان كل شوية حد يتصل يقولى شوفتك
أو ماما شافتك و أنا اقولهم و الله ؟
أنا لسه ما شوفتنيش
و أنتيمتى بقى باباها قالها
متعرفيش ياسمين تانى
مادام ثورجية
أحسن تتشدى معاها
مع ان أنا شايفة الموضوع عادى
و الكلام اللى اتقال منطقى و سلس
مامة واحدة من أصحابى قعدت تقولها شايفة صاحبتك
وانتى خايبة مع انها بتقول مامتها كانت
استحالة توافق توديها لو قالتلها
دنيـــــــــــــا
المفاجأة بقى بالنسبة لى
جالى تليفون من بلد شقيقة واحدة صاحبتى شافتنى برضة
يااه سلمت على كل الناس عبر شاشة التلفاز
إيه الحلاوة دى
عموما أملى أشوف نفسى ع المحور
و أنا بقول كلام يودينى أحلى مكان
مازلنا مع الفاصل
 
posted by Yasmine Adel Fouad at 2:16 PM | Permalink |