Friday, November 10, 2006
الأمن المركزى ... افندم






أمن بلدنا المركزى الحبيب
دول دبلوم و للا اعدادية وللا ايه
طالعين منين ؟
ياترى ايه اللى يخللى واحد مقهور ييجى يقهر واحد زيه ؟
القرش ؟
الخوف ؟
سياسة القهر المتبادل ؟
هم أصلا فاهمين حاجة من اللى بيتقال ؟
كان فى واحد أبو نجمة منهم
- اللى فى أول صورة -
أبو عيون خضراء و ضحكة جنان
شوفته فى كام مظاهرة قبل كده
و كان دايما لما بيشتموا الظباط
يضحك و يبص كده نظرة استهزاء
نظام قولوا ما تقولوا
احنا اللى فيها
شوفته امبارح
ومماسكتش نفسى
روحت قلتله عايزة أسألك سؤال
راح منشكح قوى و بص لزمايلة نظرة زهو كده
و قالى اتفضلى
قلتله هو انت كل ماحد يشتم الظباط بتضحك ليه ؟
راح ضحك نفس الضحكة و قالى مزاجى
و لما مشيت قعد يحكى لأصحابه
بس بجد كمية الامن المركزى غير طبيعية
واقفين متحمصين
جايين منين و للا رايحين فين ؟
طب دول موقعهم ايه من الاعراب
معاهم و للا عليهم ؟
هل مادام رضيوا ييجوا ع الغلابة يبقوا معاهم
حتى لو كانوا من ضمن المقهورين
أو اللى مش فاهمين
مين اللى عمل فيهم كده
هم ساعدوا الظروف
هم ضحايا و للا مايستاهلوش ؟
وللا ولا يسوا عند الحكومة اللى مشغلاهم قبل عندنا ؟
تصوير
مى كريم
 
posted by Yasmine Adel Fouad at 12:21 PM | Permalink |