*

*

*

سيبكم من اللقب و البرستيج و الفيلم الهابط ده

كل ده و لا يسوى لحظة واحدة من خنقتى م الكلية

و ضغطى اللى كان بيوطى

و أعصابى اللى كانت بتتعب

أنا بقولكم باركولى

علشان خلاص مش هدرس حاجة مش حاساها تانى

و مش همتحن شفوى و ابقى بفرفر تانى

و أديت الأمانة اللى عندى و خلصت تعليمى الإجبارى

آه ممكن أدرس تانى

بس بمزاجى

بمزاجى يا بشرو فى المجال اللى أشاور عليه

- صحيح كنت مختارة صيدلة بإرادتى -

بس بعد التطور اللى حصللى فى شخصيتى

اختياراتى بقيت مختلفة

ماعلينا

باركولى و زغردولى

و ادعولى ما اطلعش اتعميت

و شوفت نتيجتى غلط

ساعتها يبقى جت الحزينة تفرح

طلع عندها عمى ألوان

و حسرة عليها يا حسرة عليها