بقالى كام يوم
مشهد من فيلم معين
بيزن على دماغى
قلت يمكن يسيبنى فى حالى
لو كتبته
*
*
المشهد كان كالتالى
البطل فى معرض للوحات
أخدته صاحبة المعرض
قالتله أنا عايزاك تراقب اللى هيحصل
وديته صالة فيها لوحات لرسامين مشاهير
زى فان جوخ و بيكاسو و ليوناردو دافنشى
etc ....
و دخلت نقاد فى الصالة
و قالتلهم يقولوا رأيهم فى اللوحات
طبعا شكروا فى اللوحات
و اتكلموا عن الابداع اللى فيها
بعدين خرجتهم و شالت التيكيت
اللى عليه اسم الفنان من على كل اللوحات
ونقلت اللوحات لصالة تانيه
و قالت للنقاد انها هتدخلهم صالة فيها لوحات لمبتدئين
حاولوا يقلدوا رسومات المشاهير و ينقدوها
المفاجأة
ان النقاد طلعوا فروقات كتير عن الصور الأصلية
و كان ليهم رؤية تانيه و نقدوا الأعمال
*
*
. ده كان المشهد
مش محتاجة أقول حاجة تانى
لان المشهد شارح نفسه
بعرى موجع
