Tuesday, January 02, 2007
بــردانـــة

بردانه
من جوه و من برة
بس مش عايزة أقول لحد
لانى خلاص أدمنت صومعتى
*
*
عشت اوى فى مقولة سحر الموجى
الملاذ ليس آخر .. الملاذ هو الذات
على فكرة
ده مش كآبة ده شئ صحى
لو مارسته بوعى و عمق سليم
ده كمان بيمنح قوة داخليه
بس أنا حاسه انى ادمنته و مش عارفه أخرج منه
و مش عايزة حد يساعدنى أو يمد لى إيده
علشان ده موود لحظة و هيعدى
و لانى جوايا قوة داخلية تكفينى
فى نفس الوقت ماقررتش الخروج لسه
أنا بس فى لحظات البرد ساعات بضعف
*
*
ياريت بس محدش يتصل بيا
أو يبعتلى ايميل يقولى خضيتينا
علشان هتكون اللحظة عديت
و أنا فعلا كويسة بس بردانه
الظاهر انى مقفلتش عليا كويس
لان فى سرسوب هواء مش عارفة جاى منين
مع ان ثقوب الوجع رممتها من زمان
بكفاءة و ضمير
يعنى مصدر البرد الجو مش أكتر
*
*
عموماً
Things go wrong
it is all right
و أدينا أهو
.
.
بين صفر البدايات و صفر المنتهى
مازلنا
- رغماً عن أزمة الثقة -
ملغمين\متخمين
بالأحلام

 
posted by Yasmine Adel Fouad at 8:44 AM | Permalink |