من غير سبب
صحيت م النوم بقول لنفسى
ما بلاها كآبة بقى
خلينا نبتسم شوية
ليه مانقتحمش إحنا بؤرة السأم
ونفجر أى حاجة بتقرفنا
و إيماناً منى إن كل فرد لازم
يبدأ بنفسه
نزّلت كام صورة
تشرح قلب أى حد هيعدى من النواحى دى
لعل الناس تحس
إن لسه فى أمل
ناقصنا إيه علشان نوصل
لإحساس الأطفال اللى فى الصور
إننا نكون أطفال لسه مش فاهمين
لسه برائتنا هى مفتاحنا ؟
و للا اللى ناقصنا حاجة اكبر من كده بكتير؟
لا لا لا
مش وقت الكلام ده
كل حاجة بالإصرار هنوصلها
لازم نحاول
مش علشان يكفينا شرف المحاولة
لكن علشان احتمال كبير نوصل
