Wednesday, December 17, 2008
GooozVraba ..
إهداء خاص
للبنوتة
اللى قالتلى انى قليلة ف بوستاتى و كلامى وحشها
.
.
الكلمة دى كان جاك نيكلسون ف فيلم
Anger Management
بيستخدمها مع المرضى اللى مش قادرين يسيطروا على غضبهم ، و يخليهم يقولوها لما يتعصبوا ، كنت فاكراها كلمة هبلة ملهاش معنى و خلاص بيحاول يغلوش بيها على غضبهم ، بس اكتشفت بعد كده ان الكلمة دى وظيفتها العبقرية هى تنظيم النفس يعنى هتلاقى ف كلمة
.
GOOOZ زفير
Vraba شهيـق
.
و بما ان الحياة فيها شوية ظروف و بنى أدمين يستاهلوا ضرب البُلَغ و بيخلوا الواحد يخرج عن طوره فأنا ف أمّس الحاجة لممارسة الجووووز فرابااااااا و طالما إن الأمر ما يسلمشى و ما أسخم من سيدى إلا ستى فأنا قلت أنشر معرفتى دى عشان كل اللى عنده حاجه غايظاه يمارس فلسفة جاك نيكلسون و دى مش دعوى لكتم الغيظ لا سمح الله لكن لكظمه و التفكير بعقلانية دون انفعال ، و أهو كله بثوابه ربنا يقدرنا على فعل الخير
 
posted by Yasmine Adel Fouad at 12:55 PM | Permalink |