Thursday, March 29, 2007
Blank , Blind Or Disbelief !!!!!!!

She does believe
..
She does not

*
*

إن استجبت لنصيحتهم
و ارتضيت الانتظار
ما يسمونه
-كذباً-
صبراً
اذهب إلى قمة الجبل
لحظة هروب الشمس
افقئ عينيك
اثقب أذنيك
أغلق فمك
اقطع ذراعك اليمنى
و أمسك بذراعك اليسرى
كتابك الأول
ثم رتّل قدر ما تستطيع من أشعار
و انتظر
دخول الروح

*

*

لمّا تلاقى نفسك مش لاقى حلم مجسم
تقدر تحطله خطوات تمشى عليها
انت متأكد إنك مش مرتاح فى الوضع اللى إنت فيه
لكن لسه مش قادر تحدد الوضع اللى يريحك
و بالتالى مضطر إلى حد ما تسكت
او تعمل نفسك ساكت
تستهبل
اشمعنى إنت يعنى

.
.
مينفعش تحاول غصب تفصل حلم
و ماينفعش تفضل مستنى لحد ما تلاقى الموديل اللى يعجبك
و لا تقضيها باللبس اللى عندك و تعمل نفسك مبسوط
و لا تقول مش عاجبنى اللى عندى
فأنا بقى همشى عريان لحد ما ألاقى اللى على كيفى ؟
أقولك اعمل فيها الشاب الروش

و اكتب بوست زى دى

*

*

أغمض عينيك قليلاً
ماذا ترى ؟
لا شئ ؟
ركّز اكثر
عاود المحاولة
ماذا ترى ؟
لا شئ ؟
افتح عينيك
ماذا ترى ؟
لا شئ ؟
لست فى حاجه لإغماض عينيك إذن
هيا انطلق

*

*

من الآخر إنتى عايزة إيه ؟
محسسانى إن الموضوع فيه اختيارات
و إنى انا المتحكمة بالأمر
إنتى مصدقة الموضوع ده ؟
يا خيبتك
!
!
إنتى اللى يا خيبتك علشان عاملة فيها شهيدة
لا أنا مش شهيدة حضرتك
لا عمرى قلت كده
و لا عمرى هقول
أنا تايهة و تعبانة و حاسة إنى مضحوك عليا
خلاص ؟
أنا حتى قرفانة من نفسى علشان تعبانة
بس بما إن كل حاجه بتستعبط فاشمعنى انا ؟
طيب اخلصى و قولى عايزة إيه؟
ههههههه
طيب ورينى شطارتك
هقولك حل بسيط خالص
اعمليلى
recycling
و لو صعبة ع السيادة
شوفيلى حد يلفلى الزمبلك من وراء

*

*

ابحث بين واجهات المحلات
عن ذلك الشئ الذى ينقصك
ربما لا تعرف ما هو
لكنك حين تجده
يقيناً ستدركه
فمتى أدركته
لا تسرقه
انظر إليه ملياً
ثم
اتركه و ارحل

*

*

اعتقد إن علاء ولى الدين
فى فيلم الناظر
كان عبقرى لما قال لأحمد حلمى
" اعمل نفسك ميت "

*

*

انزلق مع التيار
دعه يجرفك
تظاهر بالتوبة
ثم حين تأتيك اللحظة
ابتعد \ اهرب
.
.
مزّق شرنقة خوفك الأخيرة
ثم حلّق
فوق زهرة صفراء
تنزف حبات اليُتم
زهرة
نبتت فى حيرة
لا تعلم أيهما خيراً لها
أن تحيا على الغصن
قويةً
شامخةً
أم أن
يقطفها مارد \ فارس العمر
فتنطفئ
 
posted by Yasmine Adel Fouad at 8:01 AM | Permalink |