العـيـــد فرحة
يا سلام
و أجمل فرحة
ياسلام
العيد جه أهو يا ولاد
طول عمرى كنت أحب ان المفتى يقول غدا هو اول رمضان
بدل المتمم لشهر شعبان
و انه فى آخر الشهر يقول غدا هو أول شوال
بدل المتمم لرمضان
بس ماكانش بيبقى فى نصيب
و دايما فى آخر رمضان أحب أسمع أغنية
كمّل بدرى بدرى و اقعد اعيط بقى
يوم العيدالصبح
يوم العيدالصبح
لازم أسمع أغنية العيد فرحة
علشان أحس بالعيد
و أصلى صلاة العيد
اللى بالنسبة لى بدء مراسم الدخول فى اجواء العيد
زمان كنت بنزل مع أصحابى من الصبح بدرى
نروح النادى و احنا لابسين لبس العيد
و نشترى اللعب و الحاجات دى
ياااااااااااااااااه
أيام بقى
دلوقتى بصلى العيد و أسمع صفاء أبو السعود و بس
بقعد زى خيبتها فى البيت
اتفرج ع الواد سيد الشغال
أو سك على بناتك
لانى لو هخرج يبقى بالليل
لكــن
أكتر حاجة بحبها فى العيد هى صلة الرحم
أكتر حاجة بحبها فى العيد هى صلة الرحم
و مش قصدى تجمع عائلى
لان الحمد لله ده بنعمله كل اسبوع مثلا أو اتنين
فتجمعنا فى العيد بيكون نفس الشئ
باستثناء العيدية
لكن بحب زيارتى للكبار عمات او خالات بابا
لكن بحب زيارتى للكبار عمات او خالات بابا
الناس اللى مش بشوفهم غير نوادر
و فى مناسبات خاصة
اللى لما بشوفهم بقول يااه
ده الزمن غدار قوى
و الشباب هيزول
*
*
قشطة جدا بدأناها غم ع الصبح
طيب نيجى لنقطة تانية
هو العيد فى ظل ظروف اقتصادية و سياسية و الألعن من كده اجتماعية ممكن يكون فرحة ؟
قصدى أجمل فرحة و لامؤاخذة
طيب يعنى اللى يفرح فى العيد يبقى منافق ؟و معندوش دم؟
طيب يعنى اللى يفرح فى العيد يبقى منافق ؟و معندوش دم؟
- ده لو حد فاهم كل اللى بيحصل حواليه -
و للا يبقى غلبان و نفسه يفرح ؟
و للا لازم ننتهز الفرصة و نفرح و نزقطط ؟
بغض النظر بقى عن كل الرغى ده
و للا لازم ننتهز الفرصة و نفرح و نزقطط ؟
بغض النظر بقى عن كل الرغى ده
أنا شايفة ان العيد فرحة
صحيح مش اجمل فرحة يعنى
بس ده هدية من ربنا لينا
و النبى قبل الهدية
*
*
هختم بالسؤال الكبير
و اللى هيعرف إجابته
يبقى ينفّعنا والجايزةبالونة
هينفخهاعم نجاتشى بتاع البلالين شخصياً
فى أغنية العيد فرحة
فى أغنية العيد فرحة
العـيـــد فرحة
يا سلام
و أجمل فرحة
ياسلام
!
!
علل استخدام كلمة ياسلام
علل استخدام كلمة ياسلام
1
تريقة قال أجمل فرحة قال
تريقة قال أجمل فرحة قال
2
اعلان عن شدة الفرحه اللى مش سايعانا
3
نوع من الطرب ليس الا
" السؤال إجبارى "
كل سنة و كل الامة الإسلامية بخير
و ربنا يعود علينا رمضان
و آسفة إنى رغايه
بس مش بإيدى
