أريد أن أرقص كثيراً
لأدرب أجنحتى على الخفقان
بعيداً أحلق
حيث لا يرانى أحد
وحدى أتنفس وجودى
و خلفى أرى وقع أقدامى
مُسجلة بقوة صعاب الطريق
تكسوها فرحة الوصول
***
مش بحب الرقص البلدى
ناس كتير بيستغربوا ده و يقولولى ازاى انتى مش بنت كإنى لازم أحب الرقص علشان أنا بنت فى ناس بيقولولى و لا حتى بترقصى قدام المرايا بقولهم برضه لا زمان قبل مااتحجب كنت محترفة مش عارفه كنت بجيب الحركات دى اصلا منين بس أول ما اتحجبت و رغم انى اتحجبت صغيرة بطلت ارقص لانى و ده رأيى الشخصى مش بحب أو مش بحترم المحجبة اللى بترقص و بكرر ده رأيى الشخصى بالنسبة لى انى أرقص بالحجاب زيها زى انى أنزل المية بالحجاب و أطلع هدومى لازقه عليا أو زيها زى انى أقلع الحجاب فى المصيف . و بجد مش بحس ان ناقصنى حاجه علشان مبحبش الرقص البلدى بس فى نفس الوقت نفسى أوى اتعلم صلصة و تانجو إزاى وفين لسه معنديش تصور لان الرقص محتاج شريك معايا وياسلام لواللى بيدربنى راجل هتبقى العمليه أكثر لامنطقية و انا نفسى هرفضها . و رغم انى مقلتش الموضوع ده قبل كده لأهلى رغم انه من أحلامى الكتير و اللى لومامتى عرفته ممكن تفقد فيا آخر أمل عندها ان حالى ينصلح واعقل بس حاسة ان الرقص زى ريد بول كده بيعطيك جوانيح بس مش الرقص البلدى بالنسبة لى ولو انى اعرف ناس الرقص البلدى بيلهمهم جامد
" محدش يعرف مكان بيتباع فيه سيديهات تانجو و صلصه بقى ؟ "
عموماً دماغى دلوقتى موديانى لمزيكا و مسرح كبير و رقص بيخلق جناحات محتاجه أروح لنفسى شويه علشان اطير بشكل مختلف فى الخيال
let's fly
