إيه الحاجة اللى بتعملها لما تحس إنك مخنوق ؟
بتضوضا و تصلى ؟
بالنسبة لى آه ساعات بعمل كده
بس الغالب
إنى بمسك القلم
و أفضل آكل فى نفسى علشان اكتب حاجة
سحر زمان قالت
لما تبقى مخنوق أو عايز تكتب
امسك القلم و ماتفكرش عايز تكتب عن ايه
خليك 10 دقايق أو ربع ساعة
اكتب
اكتب
و بعدين اقرأ اللى كتبته
و بالأمانة
عن تجربة هتتفاجئ
بس الإحساس المحزن
لما تبقى عايز تكتب علشان ترتاح
بس مش عارف توصل لكلام
ياااااااااااااه
ببقى مخنوقة أكتر ساعتها
علشان حاسة ان جوايا طاقة فظيعة
و مش عارفة اخرجها فى الشكل اللى مناسب ليا
