جــــــــــدتــــــــــــــــــــــى
لو أى حد سألنى مين أكتر واحدة حبيتها فى حياتى
أو بحبها حتى
رغم كل شئ
هقول
هــــــــى
تـــيـــــتــــــه
*
*
*
رغم ذكرياتنا مع بعض القليلة قوى
رغم انى مش فاكرالك غير ذكرى شهر واحد بس
علشان ظروف السفر اللى كان باعد بيننا
إلا اننى عمرى ما نسيتك
و لا حتى أقدر أفكر
*
*
*
بحبك قوى
أكتر من أى حد إدانى بجد
فاكرة كل ذكرياتنا
لما كنتى بتلعبى معايا كوتشينة
أو تتسترى عليا لما تصحى الفجر و تلاقينى نمت و التليفزيون لسه شغال
فتقفليه من غير ما تقولى لماما
و تيجى بينى و بينك تقوليلى انى نمت على روحى
وانك هتدارى عليا
*
*
كنت بصحى الفجر أشوفك و إنتى بتصلى
لسه فاكرة كنت بتحطى ازاى ايدك فوق بعضها
فوق عند صدرك
أثناء الصلاة
*
*
كنت بحبك قوى لدرجة تخلينى
أحاول
أبقى معاكى فى أى حاجة بتعمليها
**
فاكراكى
كإن كل ده حصل امبارح
*
*
*
فاكرة المسابقة اللى عملناها
فى المطبخ و عقبال ما خلصتى كل حاجه
كنت أنا لسه فى الأول
*
*
*
فاكرة ألعاب الكوتشينه اللى كنتى بتعلمهالى
*
*
*
فاكرة لعبة سلامات طيبون
اللى كنت بغلس عليكى بيها
ورغم تعبك
الا انك عمرك ما قولتيلى كفاية
و كنتى تقولى لماما تسيبنى
*
*
وفاتك و مرضك المميت
تاج
يزيدك نور و براءة عندى
صبرك الرائع
دلوقتى بس عرفت ان ربنا كان قاصد يرفعك درجات
عنده فى الجنة
*
*
فاكرة قوى قلبك
أطيب قلب عرفته فى حياتى
*
*
*
فاكرة ذكريات لجدودى التانيين
بس انتى اللى بحبك
حب من نوع مختلف
لوحدك
*
*
مش متخيلة ان الكلام ده فات عليه يمكن 14 سنه
مش مصدقه ان الشهر ده الحاجه الوحيده اللى فاكرهالك
مش قادرة افتكر أى ذكريات و لو قليله قبل كده
يمكن علشان كنت بشوفك اسبوع فى السنة
مش مسامحة نفسى انك يوم ما اتوفيتى
و حصل حاجه تضحك قدرت اضحك
مش فاكره انى عيطت
بس أكيد كنت زعلانة
يمكن علشان مكنتش مستوعبة كل ده ساعتها
يمكن علشان كنت صغيرة قوى
من 12 سنة
*
*
دايما لما كنت بحس انى محتاجه أنهار على صدر حد
و ان حد يحضننى قوى
كنت بفتكرك
كنت بتكلم معاكى و انا متاكده انك سامعانى
كتبتلك قبل كده جواب
و كنت عارفه انك سامعانى و شايفانى
عمرى ما دعيت لحد بالرحمه دعوه خالصه من قلب قلبى
زى ما بدعيلك
عارفة انك ان شاء الله مرتاحة
مقدرش أصدق انك غلطتى فى حد
انتى بشر ؟
طبعا
بس قلبك أبيض قوى
" تقريبا معظم جيلكم كان كده "
*
*
*
يمكن بحس بحزن
لما حد يقولى انه مش عايز يقعد مع جدته
*
*
*
و لما حد بيقولى ان جدته عندهم فى البيت
بقول من قلبى يا بخته
*
*
*
فاكرة من فتره ماما كانت بتكلمنى
بتقولى أنا اكتر واحده حبيتها فى حياتى كانت مامتى
قلتلها و انا اكتر واحده حبيتها فى حياتى كانت مامتك
" اتفاقنا حاجه مش سهله :D "
***********
إليها
من أحتمى بحضنها المستحيل
من كل شرور الممكن
أحبك جداً
والله على ما أقول شهيد
*
*
*
تيته بحبك قوى بجد
و عارفه انك سامعانى
و بتبتسميلى
ادعيلى علشان ربنا يهدينى
عارفة
أنا عايشه عمرى مستنيه يوم ما اشوفك تانى
و تاخدينى فى حضنك
و أقولك وحشتينى
و أبوسك تانى زى لعبتنا سوا زمان
ياسمين
و تاخدينى فى حضنك
و أقولك وحشتينى
و أبوسك تانى زى لعبتنا سوا زمان
ياسمين
