ياسمين يا جناين ورد حزين
توسيع الجرح ما بيعالجوش
و الدنيا وشوش جواها وشوش
و الناس ملعونة بجرح الناس
و فى ناس جواها جنينة و حوش
أوسع من قلب جميع الناس
أطيب من أطيب بحر بشوش
ياسمين يا جناين ورد حزين
لو نعرف بس حنبكى لمين
أبداً ما حنبكى و لا نقولوش
الناس مشغولة بألف جنية
و بألف طريقة لفوق الناس
و لا حد شغل نفسه بحواليه
و لا قال الله راحوا فين الناس ؟
الناس بتموت
بتموت فى الشغل و فى الطرقات
بتموت و بتمشى و تصحى تموت
و العايش منهم يصحى الصبح
يلقى فى الدنيا زحام أموات
دى الناس يا دريمنج بيرد تموت
بتموت فى الشارع و الطرقات
* * *
**
*
دى قصيدة
كتبهالى صديق عزيز
فى يوم كنت مخنوقة قوى فيه
24\11\2005
شاعر المستقبل
و كل الأزمنة إن شاء الله
محمود عزت
**********
محمود
شكرا بجد
دايما لمّا كنت بلجألك
ماكنتش بتخذلنى
رغم حدود علاقتنا
فى انتظار ديوانك الأول
بالإهداء اللى وعدتنى بيه
