Thursday, May 29, 2008
متجرّحوش الورد

حــــالة الجــو

جوه ف قلبى الدنيا بتشتى
برق و رعد يوماتى كتيــر
مطــرة غزيرة
و ضلمــة مريرة
ليل من غير نجم المشاوير
.
.
بــرّه معـاهم حر بيخنق
قلب تملّى .. تملّى بيبرق
شمس بتحرق عُمر بحاله
أصل الجو السخن بيشنق
سكة طويلة بفَتلة حرير
_______________________

الحيــطة الرابعــة

لو موجوده فهى بتخنق
علشان قافلة معاها البير
أنا عطشانة
و شايفة الميه
بس واقفلى عليها غفير
.
.
أما إن كانت مش موجودة
فأنا مهدودة
عايزة أتسَــنّــد
ضهرى بيمزق
أمرى خطير
 
posted by Yasmine Adel Fouad at 11:03 AM | Permalink |
Wednesday, May 21, 2008
فحيــــــــــح
طــوال الوقــت
هو داخلها
تلعن به آخرين
ليس لأنها سيئة الطباع
تميل إلى العنف ،
ولا لاحتمالية كونها ناقمة
تعانى من جحود ،
بل لأنها تريد
- و بمنتهى العفوية -
التخلص من كل ظلاله السوداء
فحتى هى .. تخـــاف
 
posted by Yasmine Adel Fouad at 10:36 PM | Permalink |
Friday, May 09, 2008
I am Job ..
 
posted by Yasmine Adel Fouad at 11:37 PM | Permalink |